دليل الاجئ السعودية

دليل_السعودية

$1o       الفيزا و الإقامة: تحتاج إلى فيزا أو إقامة

$1o       نصائح بخصوص الفيزا والإقامة :

$11.      بخصوص الفيزا فيك تحصل على الفيزا بعدة طرق :

$1·         فيزة عمرة : بأنك تقدم عليها وبتاخدا ومدتها شهر أو أقل وبعد ما تمضى الفترة فيك تضل موجود بس بتكون بحكم المخالف ، حاليا الحكومة السعودية ماعم تخالف أي حدا من الموجودين بفيزة عمرة

$1·         فيزة الزيارة التجارية : سعر الحصول عليها 200 دولار لمرة واحدة ، أو 500 دولار دخول متعدد

$1·         فيزة العمل ( في حال العمل مرتب مسبقا والقادم للعمل سيعمل لدى مستقدمه ، فلا يوجد أي تكاليف ) وفي حال حيتم شرائها فتكلفتها 3000 ريال كحد أقصى ولكن حاليا لا يوجد فيزة عمل للسوريين

$1·         فيزة الزيارة العائلية : بقوم بالتقديم عليها شخص من العائلة مقيم ( معه إقامة ) وبهي الفترة عم يعطوا زيارات عائلية للأب والأم أو الزوجة ، وعم تنبعت الفيزا حاليا على سفارة الأردن أو بيروت لحتى تنحط على الجواز ( الزيارة العائلية مجانية ) بيعطوك مدتها شهر أو 3 أشهر وحاليا عم يجددوا للسوريين فيزة الزيارة كل يلي عليك أنو تروح تجدد من الجوازات والا حتضطر تدفع مخالفة 500 ريال على كل جواز لو تأخرت بالتجديد (طبعا الموافقة انت وحظك مافي شي اكيد )
قيمة تجديد الزيارة : على كل جواز 100 ريال لكل شهر ، وغالبا صار التجديد كل 3 أشهر يعني بتدفع كل أشهر على كل جواز 300 ريال

$1·         الإقامة : حاليا لا يوجد إقامات للسوريين
أهم نصيحة بالنسبة للإقامات : في بعض المعقبين بيطلبوا مبلغ مقدما على أساس أنو يطالعوا الإقامة وباقي المبلغ بعد ما تطلع ...مننصحك أنو ما تعطي أي معقب أي مبلغ مهما كان صغير واتفقوا انو يصير التسليم كل المبلغ بعد ما تصير الإقامة على جوازك
تكلفة الإقامة : بين 30 الف و50 ألف ريال هذا إن وجد

$1o       السكن : يبدأ الأجار السنوي من 10 آلاف ريال بالنسبة للرياض وجدة ، وهاد بيرجع حسب المنطقة يلي بتختار تسكن فيها

$1·         الرياض : وسطي الأجار بين 15 ألف وال25 ألف بالنسبة لبيت من غرفتين وصالة بالمناطق البعيدة نوعا ما عن وسط الرياض ، نظام الاستديو قليل بالرياض

$1·         جدة : نظام الاستديو قليل ، وسطي الأجار بين 10 آلاف و 15 ألف ريال للاستديو ، أجار غرفة نوم وصالة بين : 15 ألف و 18 ألف ريال سنويا ، و سطي أجار الشقة من غرفتين وصالة بين 20000 _ 350000 ريال سنويا

$1·         الدمام : وسطي أجار الاستديو بين 10 آلاف و 12 ألف ريال سنويا ، وسطي أجار غرفة نوم وصالة بين : 12 ألف وال15 ألف ريال سنويا ، وسطي أجار شقة من غرفتين نوم وصالة بين 15- 25 ألف ريال سنويا

$1·         القصيم : وسطي أجار الاستديو : 6 آلاف ريال سنويا ، وسطي أجار غرفة نوم وصالة : 8000 الاف ريال سنويا ، وسطي أجار شقة من غرفتين نوم وصالة 12 ألف ريال سنويا

$1o       العملة : ريال سعودي

$1o       اللغات المطلوبة : العربي ، الانجليزي

$1o       طبيعة العمل :

$1·         يوجد فرص عمل ، وسمعة السوري بالشغل كتير منيحة لانو شغيل وبحب شغلو ، بس بالفترة الأخيرة بسبب قانون العمل صار يلي بدو يشتغل لازم يكون معو إقامة وكفالتو على الشركة أو صاحب العمل

$1·         معدل الرواتب : بتتراوح من 2000 فما فوق حسب الصنعة أو الشهادة أو الخبرة ، أو حسب عقد العمل يلي جاية علي

$1·         اللغة المطلوبة بالعمل : العربي والانجليزي

$1o       تكاليف الحياة :

$1·         تكاليف الشخص الواحد : بين 2500 إلى 4000 ريال وسطيا بالشهر

$1·         تكاليف العائلة : بين 4000 إلى 7000 ريال وسطيا بالشهر

$1o       أشهر الجامعات :

$1·         جامعة الملك سعود ، جامعة الملك عبد العزيز _ جامعة الملك فهد للبترول والمعادن (للذكور) _ جامعة الأميرة نورة بنت عبد الرحمن ( للإناث)

$1·         اللغات المطلوبة للدراسة : العربي _ الانجليزي

$1o       الطعام :

$1·         أفضل مكان لتشتري أكل و خضار للمنزل : أسواق العثيم وخاصة أنو كل يوم اثنين بيكون في عروضات

$1·         أسواق بندة : الأسعار معقولة

$1·         الدانوب ، بن داوود : الأسعار أغلى بس ممكن تلاقي فيون كل الأشياء يلي بتحتاجا وما لقيتا بأي مكان تاني

$1·         الفواكة والخضار : منتشرة بكل مكان تقريبا وخاصة بعد صلاة الجمعة في كتير بياعين بتوقف والأسعار كتير معقولة

$1·         اللحم والدجاج : أقرب لحمة للحمة السورية هي من عند الدانوب أو بن داوود أما الدجاج فممكن من عند أسواق العثيم أو أسواق السدحان

$1·         وسطي سعر الوجبة للشخص الواحد : 8 ريال ومافوق

$1·         بالرياض في سوق السليمانية معروف بالمنتجات السورية وبتلاقي بهاد السوق كل الأكل او الاحتياجات السورية

$1o       أفضل المراكز التجارية :

$1·         بالنسبة للرياض :

$1ü      رياض غاليري ، صحارى مول ، حياة مول بتلاقي فيها كلشي ، وبكل المولات بيعملوا تخفيضات على مدار السنة هيك بيصير موضوع الكسوة أسهل

$1ü      سوق البطحا ، السويقة ، العتيقة ، سوق حجاب  : أسواق شعبية وفيها كمان كلشي بس لا تحاول تروح عليها مساء أو يوم بنهاية الاسبوع

$1·         بالنسبة لجدة :

$1ü      الكورنيش ، عزيز مول ، سوق البوادي ، سوق الشوام ، سوق البلد

$1o       المشافي والطبابة :

$1·         مجرد مايكون معك إقامة فورا فيك تطالع تأمين طبي وهيك التأمين بيغطيلك كل مصاريف الطبابة

$1·         أما بالنسبة لفيزة الزيارة : فالطبابة تعتبر غالية نوعا ما ، ولكن في حال لا قدر الله احتجتوا لإسعاف فمننصحكم تتوجهوا على أقرب مشفى حكومي وهني بيستقبلوا كل الحالات الإسعافية

$1·         الاطباء السوريين كتير بيساعدوا السوريين وحتى لو مو تخصصو ممكن يدلك على صديق ألو ليساعدك

$1o       الدراسة بالسعودية :

$1·         المدارس :حاليا مطبق قرار ملكي بأنو جميع الأطفال السوريين بتسجلوا بالمدارس سواء فيزة زيارة او إقامة ، ولكن ممكن إجراءات التسجيل بدا وقت وجهد بالنسبة للسوريين يلي معاهم فيزة زيارة بس بالأخير كل الأطفال بتتسجل ونصيحة ...اسعوا بالموضوع أد مافيكم ولا تقولوا مافي تسجيل لأنو كلا الأطفال تسجلت بالمدارس

$1ü      السوريين المقيمين فيون يختاروا المدرسة بسهولة ويسجلوا فيها فورا من دون أي إجراءات وفيهم يسجلوا الأولاد بالمدارس الحكومية أو الخاصة

$1ü      السوريين يلي معاهم فيزة زيارة : في طريقة لتسجيل الأولاد وهي على الشكل التالي :

بيتوجهوا الأهل على مديرية التربية بشارع الجامعة فيها مكان اسمو المسرح ، بيحصلوا على ورقة لا مانع من تسجيل الطالب بالمدرسة ، وبيسألوك عن مكان سكنك حتى يختارولوا مدرسة قريبة من البيت

$1ü      بياخدوا الأهالي الورقة وبيروحوا فيها على المدرسة والمدرسة بتكفي باقي الإجراءات بس حاول تاخد آخر جلاء حصل علي الطالب بالمدرسة ولو كان موجود بسوريا حاول أي حدا من الأقارب يبعتلكم يا

$1·         الجامعات :
صحيح أنو طلع قرار ملكي بقبول السوريين بالجامعات وأنو يستكملوا دراستهم بس للأسف لسة القرار ما اطبق وبالتالي الجامعات الحكومية حاليا ماعم تستقبل الطلاب السوريين أما الجامعات الخاصة فبتستقبل سواء فيزة زيارة أو إقامة ( التكلفة بالفصل الواحد وسطيا : بين 15 ألف وال25 ألف ريال )

$1o       المواصلات و شهادة السواقة :

$1·         شهادة السواقة المعترف عليها : هي شهادة السعودية وفيك تحصل عليها لو كنت مقيم ( تكلفتها : 400- 500 ريال) ، لو معك شهادة دولية بالنسبة للزائر فبإمكانك تسوق فيها

$1·         أهم وسيلة مواصلات بالسعودية : هي السيارة الخاصة لأنو البنزين رخيص جدا ،

$1·         الوسيلة الثانية : هي التكسي وهو منتشر بكثرة وفيك تعطي على المشوار حسب البعد أقل مشوار مع التكسي بيكلف 10 ريال فمافوق

$1o       شركات الاتصال :

$1·         شركة STC  : هي أهم شركة ، ودايما متوافر عروض على المكالمات والانترنت

$1·         شركة زين وشركة موبايلي

$1o       حجز الطيران : أفضل طريقة أون لاين

$1o       أفضل شركات التأمين الصحي : التعاونية ، المتحدة ، بوبا ، ميدغلف

$1o       أهم أرقام الطوارئ :

$1ü      الدفاع المدني : 997

$1ü      الشرطة : 999

$1ü      الاستعلامات : 905

$1·         سمعة السوريين : متل الفلة ، ومحبوبين من الشعب السعودي وبالسعودية  بشكل عام السوريين بيساعدوا بعضهم وحاملين هموم بعض .

$1·         نصائح عامة للإقامة بالسعودية : بشكل عام البلد آمنة بس بتفضى البلد بليل لأنو العالم بتفيق بكير على أعمالها ، لهيك فقط احذر من أنو تمشي بأماكن غير مأهولة بالناس بليل

$1·         التكسي كتير آمن وخاصة للبنات لانهم ما بيقدروا يسوقوا

$1·         الحدائق العامة حلوة وهي المتنفس الوحيد للأولاد غير المولات فحاول تستدل على الحدائق العامة القريبة من سكنة مشان الأولاد

$1·         المعيشة بالسعودية أبسط من كل دول الخليج وتعتبر الارخض

$1·         حاول توفر وتقتصد لتجمع سعر سيارة لانو بتلزم جدا

$1·         الحر الزائد فيها ممكن يخليك تشعر بالكسل ، حاول تتجنب هاد الشي وتطلع تشتغل ولو دوام مسائي حتى ما تحس بالوقت

$1·         أهم الشي الكرامة وحاول تمنع أي عمل حيأثر على كرامتنا ( تسول ، أو أي شي تاني )

$1·         الأمانة والأخلاق كتير مطلوبة وبتحط على العين والراس لو انعرفت بأمانتك وأخلاقك

$1·         نصيحة  محب وهمسة صغيرة من فريق دوبارة ...الغريب أديب ونحن عم نمثل سمعة سوريا كاملة ..وسوريا بتستاهل منا أنو نمثلا أحسن تمثيل سواء بمعاملتنا مع الجيران السعوديين ، السواقة بالطريق ، أو أي موقف مو مواقف الحياة ... خلينا نعرض أخلاقنا السورية العريقة ..وتذكر أنك سفير سوريا بالسعودية .