دليل الاجئ مصر

دليل_مصر

الفيزا و الإقامة: 

بدا تقديم طلب بالسفارة

التكاليف: مافي تكلفة للفيزا وبس الحصول عليها صعب كتير

نصائح بخصوص الفيزا أو الإقامة:

بس تشتري عقار او مكان للعمل او تفتح مشروع صغير فالاقامة ميسرة باعتبارك متملك لاوراق و ثبوتيات رسمية و اذا بس جيت لتستأجر و تقعد فترة فعلى عقد بيتك ممكن تعمل اقامة و بتتمدد تلقائيا و بتكلفة بسيطة. و ضروري تثبت العقد بالشهر العقاري لتحصل عالاقامة ...

اول مرة بتدخل ع مصر حبيكون معك اقامة سياحية 3 اشهر من تاريخ دخولك و بعدها بتعمل اقامة بتنحط ع جوازك و بتتجدد بقيمة 4 جنيه لا غير.

الاقامة: ممكنة ولكن صعبة" أغلب الإقامات للسوريين بتكون إقامات سياحية لمدة ما تتجاوز السنة وهي سهل الحصول عليها ، أما اذا بدك تاخد إقامة دائمة فلازم تسجل بالمدارس أو الجامعات أو تشتغل بطريقة رسمية  "

 اللجوء: ما في لجوء خاص, بس بيقدر السوري يسجل بالمفوضية العليا لحقوق اللاجئين و يحصل على تعويض مالي بسيط شهرياً.

بالبلداية في مكتب مفوضية الاجئين الخاص بالسوريين بيعمل كل فترة زيارة للاسكندرية بيتم الاعلان عنها ... بعدا بيتم املاء استمارة في مقر جمعية كاريتاس الموجودة بعد محطة الرمل بتلت شوارع فيك ترحلا عن طريق البحر. الاستمارة والاوراق المطلوبة هي صورة عن الجواز وصورتين شخصيتن وصور الختم يلي محطوط على جواز سفرك وقت دخلت ع أحد مطارات مصر بتسلم كل هالاوراق  لجمعية تنمية الاسرة والمجتمع بالرصافة بالقرب من النادي العالي للتنمية الاجتماعية ،بعد هالشي بتستلم الكرت الاصفر وبتروح بترجع ع كاريتاس وبتسجل منشان تعمل مقابلة طبعا بحددولك موعد ممكن يكون بعد شهر او اسبوع انت وحظك كل ما قدمت أبكر كل ما اخدت موعد ابكر... بعد كم يوم بتجيك رسالة منشان تروح على جمعية الضحى في جليم بالقرب من معرض سيارات هوندا بيعطوك شك ب 200 جنيه مصري عن كل شخص لو كنتو افراد اما العائلة بتاخد شيك واحد بقيمة معينة حسب افراد الاسرة بحيث لكل شخص 200 جنيه من هالشيك ،الشيك بكون الو وقت محدد لتصرفو وبينصرف دفعة وحدة يعني اذا اشتريت ب 10 جنيه بس او ب 200 جنيه رح تسلم الشيك لهاد السبب احسب حساب انك تشتري بأكبر قدر من الشيك منشان تستفيد منه بشكل صحيح وكامل،طبعا هالشيك مفروض كل شهر توصلك رسالة وتستلم واحد جديد منه،طبعا هاد الشيك بتقتدر تحصل في ع المواد الغذائية فقط لحوم خضراوات فواكه اجبان البان كل ما يخطر على بالك من المواد الغذائية،غالبا الشيك يتم التسوق به عن طريق افرع فتح الله مول،كل فترة ممكن تجيك رسالة لتستلم شيك من نوع تاني هو بخصوص الالبسة بمبلغ معين بعد ما تعمل مقابلة ممكن كعائلة تحصل على مساعدة مالية من اجل السكن في حال قررت السفر لازم تسكر ملف لجوءك الانساني يمقر مفوضية اللجوء بالقاهرة مدينة 6 اكتوبر ويفضل أن يتم ذلك قبل 15 يوم من السفر ما بينحط لا ختم ولا أي شيء ع الجواز من قبل المفوضية فلا حدا يخاف

السكن:
أفضل مناطق السكن التي تناسب السوريين:

القاهرة: اكتوبر ، مدينة نصر ، الرحاب

الايجارات:

6 OCTOBER

وسطي آجار استوديو:  بين 1000 لل 1500 جنيه مفروش و 500 غير مفروش

          وسطي آجار غرفة نوم وصالة: ومافوق1500 جنيه
          وسطي آجار شقة من غرفتي نوم وصالة: 2000 جنيه ومافوق.

الاسكندرية:

وسطي آجار استوديو: بين 500 جنيه و1500 جنيه حسب المنطقة اغلى المناطق سموحة

وسابا باشا وجليم عموما الاستديو قليل ما حدا ياخد استديو لان ممكن بسعره تاخد بيت غرفة وصالة.

وسطي آجار غرفة نوم وصالة: مفروش على البحر حوالي 2000 جنيه بلا فرش منطقة عادية 800- 1200 جنيه

وسطي آجار شقة من غرفتي نوم وصالة:1500-2500 جنيه

معظم السوريين موجودين بالمندرة والعصافرة وميامي وال 45 وفي قسم بشارع سوريا و سموحة.

معظم المناطق الموجودة على خط البحر هي جيدة للاقامة بس غاليه نوعا ما, اذا رح تقعد فترة طويلة يفضل تاخد بيت مو مفروش وتفرشو على مهلك. كل ما دخلت باتجاه معاكس لاتجاه البحر بيتحصل على اسعار اقل.

ملاحظة: بالصيف معظم مناطق البحر بيصير اجارها غالي كتير  فيفضل انك لو حابب تاخد بيت ع البحر تاخدو سنوي وتعمل عقد و يفضل ما تدفع مقدم عقد كبير لأن في منن بيطللبو اجرة شهر زيادة وهاد خاطئ اقسى حد ادفع نص شهر.

العمل:
معدل الراتب منخفض

- طبيعة العمل بالبلد: صعبة جدا
- معدل الرواتب: 200 دولار -300 دولار

-وضع الراتب الراتب مع الحياة الاجتماعية:  صعب

اللغة: العربية, الإنجليزية

المصروف:
- وسطي المصروف للشخص الاعزب من طعام وحاجات يومية: 20-45جنيه باليوم
- وسطي المصروف للعائلة من 4 اشخاص من طعام وحاجات: 60 جنيه

الدراسة:
-اشهر الجامعات : الجامعات الحكومية القاهرة و المنصورة و عين شمس ، هي كونوا ع ثقة انو افضل الجامعات أما الخاصة ففي ال mustوجامعة مصر.

اسأل عن شهادة الجامعات قبل ما تسجل ان كان معترف عليها او لاء و خود فكرة عن المناهج قبل ما تسجل

- اللغات المطلوبة للدراسة: العربية, الإنجليزية, الفرنسية
- العملة المحلية: جنيه مصري

الطعام: يوجد محلات سورية

- افضل مكان لشراء الطعام

- اللحم والدجاج:

 - أفضل المراكز التجارية: سبينس وكارفور و هايبر مول،الاسعار مراقبة و جودة مراقبة و فيه كلشي بيلزمك ... و في كمان فتح الله مول

وسطي سعر الوجبة للشخص الواحد:10-30 جنيه

الاتصالات والمواصلات:
-اهم وسيلة اتصال بالبلد بين بعضهم البعض: الخطوط الخليوية
-افضل شركات الخطوط الخليوية: فودافون- اتصالات - موبنيل

افضل طريقة للواحد يتنقل بهالبلد: وسية نقل عامة – مترو- باص

-شهادة السواقة المعترف عليها:

لازم يكون معك شهادة سواقة دولية تسوق عليها بشكل مؤقت

-تكلفة رخصة القيادة:

بيقدر اي شخص سوري يطالع سيارتو السورية لهالبلد: بتكلف أكتر ولازم يطلعها كل 6 أشهر غير معاملة الجمارك

يفضل شراء سيارة من مصر
رقم السفارة السورية: 227924325

الصحة:
-افضل المشافي:

المشافي الخاصة-غالية

المشافي الحكومية مقبولة و في منها خاصة بالكنائس ارخص من غيرها و نظيفة و التعامل منيح مع السوريين

شركات التامين: اون لاين احسن شي

نصائح عامة:

- سأل اللي حواليك .. لاقي سوري و أسألو ... ابن بلدك نخوة و شرف و سيماهم في وجوههم

- اسأل منيح ولا تقبل بشو ماكان بالوقت اللي بتقدر فيه تاخد افضل شي يعني دور منيح بتلاقي اسعار احسن

- أول شهر رح تصرف مايقارب من 000 200 ليرة سوريةولازم تعرف وين بدك تشتغل منشان تسكن بنفس المنطقة

- المسافات شاسعة جدا

- في شغلة انو لما بدك تسأل ع محل لا تسأل بس شخص اسأل اكتر من شخص.

- كل ما بعدت عن البحر كل ما رخص كلشي من كيلو البندورة لشريحة الموبايل..

- حدد مدة اقامتك التقريبية ، ان كانت اكتر من 6 شهور استأجر بيت غير مفروش و اشتري فرش مستعمل

لا تحول كل دولاراتك للجنيه لان سعر الجنيه مو ثابت و عم ينخفض لانو وضع البلد مو مستقر

- لا تتدخل بالسياسة