دليل الاجئ كوردستان

دليل_كوردستان

كوردستان العراق

تكاليف الفيزا والاقامة

تحتاج  لدعوة

للدخول إلى الإقليم:

$1-        طريقة غير نظامية: وهي غالباً أسهل بكثير للكورد السوريين بس بالغة الصعوبة لغير الكورد، و هي مو دائمة، يمكن يتسكر المعبر بأية لحظة، و بس تفوت بيسجلوا اسمك بطريقة شكلية و بعدا بتروح عالأمم المتحدة و بيعطوك بطاقة إقامة لاجئ، و هي البطاقة بتخولك الحصول على مساعدات محدودة جداً.

$1-        طريقة نظامية/ تأشيرة دخول: وهي بحاجة لدعوة من كفيل عمل (شركة مسجلة).

الفيزا النظامية نوعان:

زيارة وهي لمدة 15 يوم أو بتطلب الاقامة بكوردستان.

الاقامة:

انت وحظك لان القوانين بتتغير بسرعة بسبب تغير الأوضاع السياسية المستمر و مو كل واحد بياخدها، بس غالباً إذا أوراقك نظامية بتاخدها، بس أحياناً فجأة بوقفو الإقامات والفيز.

نصائح بخصوص الفيزا:

بس تفوت بفيزا إقامة بيتم التقديم بواسطة محامي على طلب إقامة وهي بتكلفلا شي  500 دولار. 

مافي ثبات في القوانين لانها بتتغير عطول أحيانا بتعطى الإقامات للسوريين بسهولة وو بيسهلو تحركاتهم ضمن الإقليم وأحيانا بيوقفو إعطاء الإقامات والتأشيرات أو بتصير صعبة كتير.

بالنسبة قوانين الإقامات بتتغير بشكل مستمر، فبعد ما كان السوريون الأكراد مو بحاجة إقامة بأربيل صاروا مطالبن فيها ومع كفيل، و فيك تقول أنو القوانين بتتجه نحو التشديد وليس التسهيل في الإقليم.

افضل نوع للفيزا:

لجوء انساني - الاجراءات الخاصة باللجوء:بس تفوت عالإقليم بتروح عمركز الأمم المتحدة الأقرب و بيتم تسجيلك ضمن قوائم اللاجئين و بعدا بتحصل على بطاقة لاجئ بتعطيك صفة شبه رسمية بالاقليم فيك من خلالها تشتغل و تتحرك.

أما المساعدات فهي محدودة كتيرً وما فيها تدعم مستوى معيشة مناسب.

افضل مناطق السكن:

دهوك و السليمانية  و أربيل(ملاحظة: بعض المناطق ضمن المدن تتميز بطابع شديد المحافظة)

وسطي اجار الاستديو: ما في شي اسمو استديو هنيك.

وسطي اجار شقة:

$1-        أربيل : لا يقل عن 800 دولار في الشهر وقد يصل إلى 2500 دولار في الشهر.

$1-        السليمانية: لا يقل عن 300 دولار في الشهر وقد يصل إلى 1500.

$1-        دهوك: لا يقل عن 250 دولار في الشهر.

ملاحظة:

الاحسن انك تكون متجوز لتلاقي بيت لان الشب المو متجوز صعب يلاقي بيت يستأجرو لحالو ...

نصيحة دوبارة للشباب: مهما كان راتبك طالب الشركة يلي حتشتغل فيها بتأمين مسكن الك.

معدل الرواتب:

أول شي ... سمعة السوري بالعمل ممتازة بس بدك تتفق معاهون ععدد الساعات و كل شي قبل ما تبلش.

رواتب الجامعيين : 400 دولار (أقل شي).

أصحاب المهن:  300 دولار وقد يصل إلى 2500 دولار (معلم مصلحة)

وضع الراتب مع المعيشة: لا ماتشد ايدك كتير بدك تصرف ع قدك

اللغة المطلوبة :

العربية, الإنجليزية, التركية

اشهر الجامعات

$1-        الجامعة الأمريكية في السليمانية  (انكليزي)

$1-        جامعة السليمانية الحكومية (عربي وكوردي صوراني)

$1-        جامعة عشق التركية الخاصة في أربيل (تركي)

$1-        جامعة صلاح الدين الحكومية في أربيل (عربي وكوردي صوارني).

المصروف:

$1-        وسطي المصروف:7 دولار باليوم.

$1-        وسطي المصروف للعائلة يوميا:10 دولار

العملة المحلية

الدينار العراقي - كل 100 دولار هو 120 ألف دينار عراقي

افضل مكان لشراء الطعام:

$1-        إذا الحالة منيحة المولات فيها كل شي

$1-        إذا عالقد انزل عالاسواق المحلية وبتلاقي خضار ولحومات وكل شي بأسعار ارخص بمنيح.

$1-        إذا وسط نوع بين هون وهون والبقاليات، وبحبش منيح بعض البقاليات والمحلات بتجيب بضاعة سورية متل زعتر الاسرة أو زيت زيتون الراقي.

$1-        اللحم والدجاج: الدجاج بيجي مفرز من تركيا و أحيانا من البرازيل و في لحامين نضاف بدك تسأل لتلاقي اللحمة نوعيتا منيحة بس غالية 17 دولار الكيلو و سأل منيح قبل ما تستري

$1-        وسطي سعر الوجبة: 5 دولار.

 المواصلات والاتصالات:

اهم وسيلة اتصال : الخطوط الخليوية.

افضل شركات الاتصال : في السليمانية اسياسيل - في اربيل ودهوك كورك

افضل طريقة مواصلات : تاكسي.

السوري مابيقدر يدخل سيارتو .. وصعب كتير وخاصة انو في سيطرات (حواجز)

شهادة القيادة المعترف بها :

بيمشي حال الشهادة السورية فيك تسوق فيها

افضل المشافي

المشافي الخاصة

تكاليف العلاج : مرتفعة

افضل شركات التأمين

مافي تأمين

الخدمات الطبية:

ممكن تكون مجانية بالمشافي الحكومية بس يفضل تسأل عن طبيب مجرب من حدا بتعرفو قبل ما تتعالج, و تجيب الادوية بأيدك من مكان موثوق.

حجز الطيران:

عن طريق مكتب سياحي

نصائح عامة لكل سوري :

$1-        التكاسي غالية وخاصة بأربيل ومتوسط المواصلات بالتكسي 4 دولار للمشوار الواحد وإذا كذا مشوار صاروا 20 دولار و بما انو السوري ما بيعيش بلا ما يفاصل فاصلو قبل ما تطلع.

$1-        المجتمع محافظ كتير.

$1-        الطبيعة جميلة جدا و رحلات الجبال كتير حلوة.

$1-        لا تناقش بالسياسة لأنو الآراء تختلف بشدة.

$1-        وقت واحد يقلك إنت عربي ولا كردي قللو انا سوري.

$1-        حاول تتعلم كلمتين كردي احسنلك.

$1-        اعتبر أنك ضيف وورجي احترام مهما اختلفت العادات.

$1-        سمعة السوريين : عادية

المدارس:

هون بتلاقي مل شي مدارس بتدرس باللغة العربية:

ازا المدارس بعيدة عن بيتك في باصات مدرسية و تكاليف الاشتراك فيها مقبولة

جميع الانجازانات و التحصيلات العلمية الحاصل عليها من مدارس كردستان معترف فيها ازا حبيت تسجل بمدارس تانية بمجتمعات و بلدان تانية

الراعي الرسمي للتعليم unicef + UNHCR و منظمة الامم المتحدة للتربية والتعليم