منح دراسية لطلاب البكلوريا

مسا الخير لطلاب البكالوريا … جايبلكم خبرية حلوة

التقديم على منح الحكومة التركية لدراسة المرحلة الجامعية الأولى بتركيا بلش 

تاريخ الابتداء: 19 نيسان 2014
الموعد النهائي: 19 أيار 2014

بيكفي التقديم على المنحة والجامعات بنفس الطلب يعني ما في داعي تقدم على الجامعات بشكل منفصل
معظم البرامج الدراسية هي اللغة بالتركية ومع هيك في برامج تدرس بالانكليزية أو الفرنسية ورح تكون بحاجة لشهادة معترف عليها عالميا لاثبات اللغة وممكن كمان لبعض الفروع تكون بحاجة لمعايير دولية للقبول.
المنحة بتغطي:

▪ راتب شهري (250 دولار أمريكي للمرحلة الجامعية الأولى)
▪ الرسوم الدراسية كاملة
▪ دورة في اللغة التركية لمدة سنة
▪ إقامة مجانية في سكن جامعي
▪ التذاكر الجوية ذهابا وإيابا
▪ التأمين الصحي

لحتى تكون مؤهل للبرامج الجامعية مفروض:

▪ تكون مواطن في بلد آخر غير تركيا
▪ ماتكون مسجل بالمرحلة الجامعية الأولى بتركيا
▪ معك شهادة ثانوية عامة أو رح تحصل عليها بنهاية العام الدراسي الحالي
▪ تحت سن 21.
▪ معدللك بالبكالوريا ٩٠٪ اذا رح تقدم لدراسة الطب و ٧٠٪ للفروع التانية
▪ تكون في صحة جيدة.

المستندات المطلوبة:

▪ استمارة الطلب على الانترنت (موجودة في الموقع)
▪ نسخة من شهادة الدراسة الثانوية أو وثيقة تثبت انك حاليا طالب بكالوريا.
▪ شهادة الثانوية المبين عليها علاماتك بكل المواد
▪ نسخة من بطاقتك الشخصية سارية المفعول (جواز السفر، الهوية الوطنية، شهادة الميلاد وغيرها)
▪ صورة شخصية صالحة ل جواز سفر

كيفة التقديم:

▪ التقديم عن طريق هيدا الرابط https://basvuru.turkiyeburslari.gov.tr/en
▪ قراءة دليل التطبيق
https://basvuru.turkiyeburslari.gov.tr/Content/pdf/BK_en.pdf
▪ ممكن كمان تشوف فيديو توضيحي
https://basvuru.turkiyeburslari.gov.tr/tr/OBS_K/OnlineBasvuru/BasvuruDemo
▪ تسجيل مستخدم جديد وبعدين تسجيل الدخول إلى النظام
وتعبي الطلب.
▪ تحميل المستندات المطلوبة،
▪ وأخيرا إنهاء التطبيق submit.

بتقدر تشوف صفحة الفيس بوك الخاصة بمنح تركياhttp://goo.gl/ppHcOe

لاي سؤال او استفسار عن المنح الدراسية فيك تراسلنا على Scholarships@dubarah.com و فريق المنح بيرد عليك باقرب وقت ...