هام جداً عن فايروس الكورونا

اليوم رح أحكي عن فيروس ظهر مؤخراً ببعض دول الخليج منهم#الامارات و #المملكة_العربية_السعودية و هو فيروس كورونا .. و يلي و للأسف اليوم صار غير مسيطر عليه من طرف الاطباءوالمشافي ..

و شو هاد كورونا كمان و شو اعراضو؟؟
أول شي عندك الأعراض بتكون مشابهة لأعراض الانفلونزا ... يعني بتبلش على شكل احتقان بالحلق مع سعلة و ارتفاع حرارة و ضيق بالتنفس و وجع راس ممكن يخف بعد ساعات ... بس بتبقى باقي الاعراض موجودة .. و ممكن يتطور لالتهاب بالرئة..

و كيف بينتقل هالمرض ؟؟
جاييك بالحكي ... الفيروس بينتقل متلو متل باقي الفيروسات يلي بتصيب جهاز التنفس ... يعني بالرذاذ والمخاط واللعاب وتلوث الايدين و بالمفرزات المخاطية وعن طريق المخالطة مع المريض بالاجواء المغلقة متل العيادات والمشافي والمراكز الصحية والمدارس ..

و للأسف لهلأ مافي علاج خاص بالكورونا ولا في لقاح .. بس منقدر نوقي حالنا بشكل دائم عمبدأ "درهم وقاية خير من قنطار علاج" بتنظيف الايدين والابتعاد عن الاختلاط والمصافحة مع الاشخاص المجهولين والابتعاد عن التجمعات واستخدام كمامات وقفازات طبية ان وجب الامر و أهم شي عزل المصاب بمكان خاص فيه ...

العلاج ببكون بالادوية الخاصة للأعراض يلي زكرناها من قبل متل السعال وارتفاع درجة الحرارة ...

أخيرا .. شوية نصائح من دوبرجي ...
- خليك بعيد عن الاماكن الرطبة
- هوي بيتك و بعد عن المكيف قد ما بتقدر
- حط كمامات و كفوف للوقاية .
و برجع بأكد عليكن .. لازم تعزل المريض و ما تقرب نهائيا عن اغراضو الخاصة

ما بدي وصيكن يا جماعة ... هالمرض عم ينتشر و لازم نكون واعيين و نسطر عليه فبدي همتكون فردا فردا ...

و بتمنى الصحة للجميع ...